+91 9028817712 pasindiaoffice@gmail.com
फिरती विज्ञान प्रयोगशाळा बस चे लोकर्पण

फिरती विज्ञान प्रयोगशाळा बस चे लोकर्पण

by | ऑगस्ट 19, 2025 | Uncategorized, घडामोडी, फिरती विज्ञान प्रयोगशाळा


दिनांक 18 ऑगस्ट २०२५

आंतरराष्ट्रीय विज्ञान संकुल वसंतराव नाईक मराठवाडा कृषी विद्यापीठाच्या ॲट्रीयम सभागृहामध्ये प्रवीण मसालेवाले ट्रस्ट पुणे यांचे मार्फत परभणी ऍस्ट्रॉनॉमिकल सोसायटीला हस्तांतरित करण्यात आलेल्या सुहाना फिरती विज्ञान प्रयोगशाळा बस चा लोकार्पण सोहळा संपन्न झाला . याप्रसंगी कार्यक्रमाचे उद्घाटक म्हणून मा श्री राजकुमार चोरडिया, कार्यकारी विश्वस्त प्रवीण मसालेवाले ट्रस्ट ,अध्यक्ष म्हणून प्रा डॉ इंद्रमणी कुलगुरू वनामकृवि तर प्रमुख पाहुणे म्हणून श्रीमती रश्मी खांडेकर मुख्य कार्यकारी अधिकारी जिल्हा परिषद , डॉ भगवान आसेवार अधिष्ठाता वनामकृवि, श्री भानुदास कवडे माजी तंत्रज्ञ इस्त्रो इ मान्यवर उपस्थित होते .
सुहाना फिरती विज्ञान प्रयोगशाळा हा प्रवीण मसालेवाले ट्रस्ट पुणे व परभणी ऍस्ट्रॉनॉमिकल सोसायटी यांचा संयुक्त उपक्रम असून ट्रस्ट मार्फत बसचे रूपांतर प्रयोगशाळेत करून सदर बस ऍस्ट्रॉनॉमिकल सोसायटीला हस्तांतरित करण्यात आली आहे. या बस मध्ये भौतिकशास्त्र, रसायनशास्त्र व जीवशास्त्र शी निगडित प्रयोगासाठी लागणारे साहित्य व उपकरणे इत्यादी सह सुसज्ज प्रयोगशाळा निर्माण करण्यात आली आहे .सदर बसद्वारे संपूर्ण जिल्ह्यातील शाळेमध्ये जाऊन प्रत्यक्ष प्रयोग करून दाखवण्यात येणार आहेत .याकरिता सोसायटी मार्फत विज्ञान संवादकाची नेमणूक करण्यात आली असून ते विद्यार्थ्यांना प्रत्यक्ष प्रयोग करून दाखवणार आहेत .
याप्रसंगी बोलताना मुख्य कार्यकारी अधिकारी श्रीमती रश्मी खांडेकर यांनी हा प्रकल्प अतिशय नाविण्यपूर्ण असून जिल्हा परिषद प्रशासनामार्फत सर्वोतोपरी सहकार्य करण्याचे आश्वासन दिले . श्री कवडे यांनी या प्रयोगशाळेमुळे ग्रामीण भागातील विद्यार्थ्यां मध्ये विज्ञान विषयात आवड निर्माण होईल असे प्रतिपादन केले . कार्यक्रमाचे उद्घाटक मा श्री राजकुमार चोरडीया यांनी मानव विकास निर्देशांकात मागे असलेला परभणी जिल्हा या करिता विचारपूर्वक निवडला असून समान विचाराने व निस्वार्थी भावनेने कार्यरत परभणी ॲस्ट्रॉनॉमिकल सोसायटी सोबत संयुक्तपणे हा उपक्रम राबवत असलेबाबत समाधान व्यक्त केले . या प्रकल्पामुळे विद्यार्थ्यांना प्रत्यक्ष प्रयोग करायला मिळणार असून त्यांच्यामध्ये आत्मविश्वास वाढवणारा आहे असे प्रतिपादन केले . अध्यक्षीय भाषणात कुलगुरू प्रा डॉ इंद्रमणी यांनी श्री चोरडीया यांच्या दातृत्वाचा भावपूर्ण शब्दात उल्लेख करून ते धर्मशास्त्रा प्रमाणे कार्य करत असल्याचे व या उपक्रमास सर्व प्रकारचे सहकार्य करण्याचे आश्वासन दिले .
कार्यक्रमाच्या प्रास्ताविकात सोसायटीचे अध्यक्ष डॉ रामेश्वर नाईक यांनी मा चोरडीया सरांच्या दातृत्व वृत्तीचा सन्मानपूर्वक उल्लेख करून या उपक्रमाची माहिती सर्वांना दिली व सर्वांच्या सहकार्यांची अपेक्षा व्यक्त केली . कार्यक्रमास संपूर्ण जिल्ह्यातून विज्ञान शिक्षक, पालक , नागरीक व विद्यार्थी मोठ्या संख्येने उपस्थित होते . कार्यक्रमाचे सूत्रसंचालन श्री नितीन लोहट यांनी केले . आभार प्रदर्शन सोसाटीचे उपाध्यक्ष डॉ पी आर पाटील यांनी केले . कार्यक्रमाची सांगता पसायदानाने करण्यात आली व मान्यवरांचे हस्ते बस ला हिरवा झेंडा दाखवून सुहाना फिरती विज्ञान प्रयोगशाळा चे लोकार्पण करण्यात आले . कार्यक्रमाच्या यशस्वीतेसाठी ॲस्ट्रॉनॉमीकल सोसायटीच्या सर्व सदस्यांनी परिश्रम घेतले .

जिल्ह्यात ‘फिरती विज्ञान वाहिनी (Science on Wheels)’ उपक्रम; सोमवारी होणार उद्घाटन

जिल्ह्यात ‘फिरती विज्ञान वाहिनी (Science on Wheels)’ उपक्रम; सोमवारी होणार उद्घाटन

by | ऑगस्ट 14, 2025 | घडामोडी, फिरती विज्ञान प्रयोगशाळा, मराठी, वार्ता

फिरत्या प्रयोगशाळेद्वारे विद्यार्थ्यांना मिळणार थेट प्रयोगांचा अनुभव!

विज्ञान प्रकल्प तर दूरच प्रयोगशाळा देखील कधी पाहायची संधी मिळाली नाही अशा खेड्यांत राहणाऱ्या विद्यार्थ्यांमध्ये विज्ञानाविषयी कुतूहल निर्माण व्हावे, या उद्देशाने परभणी ॲस्ट्रॉनॉमिकल सोसायटीच्या वतीने जिल्ह्यात १८ ऑगस्टपासून फिरत्या प्रयोगशाळेच्या माध्यमातून ‘विज्ञान वाहिनी’ उपक्रम राबविण्यात येणार असल्याची माहिती संस्थापक अध्यक्ष डॉ.रामेश्वर नाईक यांनी दिली आहे. फिरत्या विज्ञान प्रयोगशाळेमध्ये रूपांतरित झालेली बस पुणे येथे एका कार्यक्रमात बुधवारी (दि.13) परभणी ॲस्ट्रॉनॉमिकल सोसायटीला हस्तांतरीत करण्यात आली, त्या प्रसंगी संस्थेचे उपाध्यक्ष डॉ प्रताप पाटील उपस्थित होते.

विज्ञान वाहिनी (Science Lab On Wheels) ही फिरती विज्ञान प्रयोगशाळा असून बसमधून उपकरणांची माहिती देत विद्यार्थ्यांमध्ये वैज्ञानिक दृष्टिकोन व कौशल्यविकास साधला जाणार आहे.ग्रामीण भागातील विद्यार्थ्यांमध्ये विज्ञानाच्या माध्यमातून स्वयंप्रेरणा, आत्मविश्वास निर्माण करण्यासाठी हा उपक्रम महत्वपूर्ण ठरेल असा विश्वास डॉ.नाईक यांनी व्यक्त केला आहे. विकासापासून खूप मागे असलेल्या मुलांना या उपक्रमातून विज्ञानाचे दालन खुले होणार आहे.

विद्यार्थ्यांमध्ये वैज्ञानिक दृष्टिकोन आणि कौशल्यविकासाला चालना देण्यासाठी हा नाविन्यपूर्ण उपक्रम सुरू केला जाणार आहे. या फिरत्या विज्ञान प्रयोगशाळेच्या माध्यमातून जिल्ह्यातील ग्रामीण विद्यार्थ्यांना प्रात्यक्षिकांसह विज्ञानाचे धडे मिळणार आहेत. एका मोठ्या बसमध्ये वैज्ञानिक उपकरणे आणि तंत्रज्ञानाची साधने ठेवून ही प्रयोगशाळा थेट शाळांपर्यंत पोहोचणार आहे.

प्रवीण मसालेवाले ट्रस्ट पुणे या कंपनीच्या सामाजिक बांधिलकी निधीतून ही सुविधा उपलब्ध झाली असून, यासाठी प्रवीण मसालेवाले ट्रस्ट पुणे बोर्डचे व्यवस्थापकीय विश्वस्त मा राजकुमार चोरडिया, विश्वस्त मा प्रदीप चोरडिया, मा विशाल चोरडिया, मा आनंद चोरडिया यांचे मोलाचे सहकार्य मिळाले आहे. श्री गिरीश क्षीरसागर व श्री पोपटराव काळे यांच्या समन्वयातून ही फिरती प्रयोगशाळा मिळाली आहे.

सोमवार दिनांक 18 ऑगस्ट रोजी सकाळी 10.30 वाजता वसंतराव नाईक मराठवाडा कृषी विद्यापीठातील आंतरराष्ट्रीय विज्ञान संकुलातील सभागृहात फिरती प्रयोगशाळा उद्घाटनाचा तथा लोकार्पण सोहळा हा कार्यक्रम होणार आहे. याप्रसंगी जिल्हा परिषदेच्या मुख्य कार्यकारी अधिकारी श्रीमती नतिशा माथूर, इस्रोचे माजी शास्त्रज्ञ श्री.भानुदास कवडे, प्रवीण मसालेवाले ट्रस्ट बोर्डचे व्यवस्थापकीय विश्वस्त श्री राजकुमार चोरडिया, वनामकृवीचे शिक्षण संचालक डॉ.भगवान आसेवार, परभणी ॲस्ट्रॉनॉमिकल सोसायटीचे संस्थापक अध्यक्ष डॉ.रामेश्वर नाईक आदींची उपस्थिती राहणार आहे.

उपक्रमाचा उद्देश आणि महत्त्व

या उपक्रमाचा प्राथमिक उद्देश विद्यार्थ्यांमध्ये विज्ञानाची गोडी निर्माण करणे आणि २१ व्या शतकातील जीवनकौशल्ये विकसित करणे आहे. ग्रामीण भागातील प्राथमिक शाळांमधील विद्यार्थ्यांना वैज्ञानिक संकल्पना प्रात्यक्षिकांद्वारे समजावून सांगणे, कोडींग आणि प्रोग्रामिंगची ओळख करून देणे, तसेच सहयोग आणि नाविन्यपूर्ण दृष्टिकोन विकसित करणे यावर भर देण्यात आला आहे.

फिरत्या प्रयोगशाळेची रचना

फिरती विज्ञान प्रयोगशाळा ही एक विशेष सुसज्ज बस आहे, ज्यामध्ये वैज्ञानिक उपकरणे, प्रोग्रामिंग साधने आणि प्रात्यक्षिकांसाठी आवश्यक सामग्री उपलब्ध आहे. ही बस थेट शाळांच्या आवारात पोहोचून विद्यार्थ्यांना विज्ञान आणि तंत्रज्ञानाचा अनुभव देईल. एका वेळी २० विद्यार्थ्यांना या बसमध्ये प्रवेश दिला जातो, आणि तासभराच्या सत्रात त्यांना उपकरणांची माहिती आणि प्रात्यक्षिके पाहण्याची संधी मिळते. ही बस प्रवीण मसालेवाले ट्रस्ट, हडपसर, पुणेच्या सामाजिक बांधिलकी निधीतून उपलब्ध झाली आहे.

विद्यार्थ्यांसाठी लाभ

 फिरत्या प्रयोगशाळेच्या माध्यमातून सहावी आणि त्यापुढील इयत्तेतील विद्यार्थ्यांना वैज्ञानिक संकल्पना समजण्याची व स्वतः प्रयोग करण्याची संधी मिळणार आहे. भौतिकशास्त्र, जीवशास्त्र, रसायनशास्त्र आणि गणित विषयाच्या प्रात्यक्षिकांद्वारे विद्यार्थ्यांना दैनंदिन जीवनातील उपकरणांचे कार्य आणि वैज्ञानिक तत्त्वे समजतील. यात व्यवहार विज्ञान व नवलाईचे प्रयोग तसेच फिरते तारांगण देखील या बसमध्ये आहे.

याशिवाय, कोडींग आणि प्रोग्रामिंगची प्राथमिक माहिती मिळाल्याने त्यांच्यात तंत्रज्ञानाची आवड निर्माण होईल. हा उपक्रम विद्यार्थ्यांचा आत्मविश्वास वाढवण्यास आणि त्यांच्यात सहयोग, नाविन्य आणि समस्या सोडवण्याची क्षमता विकसित करण्यास मदत करेल. विशेषतः ग्रामीण भागातील विद्यार्थ्यांना, ज्यांना अशा सुविधा सहसा उपलब्ध नसतात, या उपक्रमामुळे विज्ञान आणि तंत्रज्ञानाच्या क्षेत्रात प्रगतीची संधी मिळेल.

या उपक्रमाच्या अंमलबजावणीसाठी तीन विज्ञान संवादक (सायन्स कम्युनिकेटर) नेमले असून त्यात चालकाचा देखील समावेश आहे.

प्रवीण मसाले ट्रस्टच्या सहकार्याने फिरत्या प्रयोगशाळेची व्यवस्था केली आहे. हा उपक्रम १५ वर्षे चालणार आहे. पहिल्या टप्प्यात काही निवडक शाळांमध्ये हा उपक्रम राबवला जाणार असून, नंतर टप्प्याटप्प्याने जिल्ह्यातील सर्व शाळांमध्ये विस्तारित केला जाईल. शिक्षक आणि शाळा व्यवस्थापन यांच्यासोबत समन्वय साधून प्रत्येक शाळेत बसच्या भेटीचे वेळापत्रक तयार करण्यात येणार आहे, जेणेकरून अधिकाधिक विद्यार्थ्यांना याचा लाभ मिळेल.

गेल्या पंधराहून अधिक वर्षात अनेक विद्यार्थ्यांनी सहजसोपे विज्ञान अनुभवले असून, आज ही मुले विविध क्षेत्रात उल्लेखनीय कार्य करीत आहेत. विज्ञानाच्या प्रसाराबरोबरच आरोग्य शिबिर, व्यक्तिमत्त्व विकासावर आधारित कार्यशाळाही संस्थेतर्फे घेण्यात येत आहेत.

या फिरत्या विज्ञान वाहिनीचा , परिसरातील सर्व विद्यार्थी सर्व शाळा यांनी याचा लाभ सर्व लाभार्थी विद्यार्थांना व्हावा या साठी परभणी एस्ट्रॉनॉमिकल सोसायटी कडे सर्व इच्छुकानी नोंदणी करून सहभागी होण्याचे आवाहन सोसायटी तर्फे करत आहे.

अवकाशातील एक तेजस्वी तारा निखळला

अवकाशातील एक तेजस्वी तारा निखळला

by | मे 20, 2025 | घडामोडी

भावपूर्ण श्रद्धांजली!!!

२० मे २०२५, परभणी

पद्मविभूषण प्रो जयंत विष्णु नारळीकर हे खगोलशास्त्रज्ञ आणि खगोलभौतिकिशास्त्रज्ञ होते. तसेच ते उत्तम विज्ञान प्रसारक – सुधारक होते.
१९८८ मधे त्यानी IUCAA ची ,म्हणजे आंतरविद्यापीठिय खगोल आणि खगोल भौतिकी केंद्र ची TIFR मधे असताना स्थापना केली . ते IUCAA चे संस्थापक संचालक होते.
बनारस विश्व विद्यालयातून उत्तीर्ण झाल्यावर, परदेशात केम्ब्रिज विद्यापीठत ते शिकले. प्रो फ़्रेड होयल हे त्यांचे गुरु आणि मार्गदर्शक होते, त्यांच्या सोबत त्यानी विश्वाच्या निर्मितिचा सिद्धांत मांडला त्याला च होइल- नारलीकर सिद्धांत असे सम्बोधतात. तो सिद्धांत आइंस्टाइनच्या सिद्धांतशी समांतर होता.

परभणी तून , परभणी एस्ट्रोनॉमिकल सोसाइटी तर्फे , दरवर्षी होत असलेल्या विज्ञानवारी च्या IUCAA प्रवासात , पुणे IUCAA त, “आस्क द सायंटीस्ट”
या सदरात प्रो जयंत नारळीकर हे स्वतः परभानीतील मुलांच्या प्रश्नाला उत्तर देत.
या वर्षी त्यानी मूलांसाठी गणित या विषयवार विशेष व्याख्यान राष्ट्रीय विज्ञान दिनानिमित घेतले होते.
परभानीतील होत असलेल्या आंतरराष्ट्रीय विज्ञान संकुलची ते प्रेरणास्रोत आहेत.

विज्ञान वारी 2023
तंजावर येथील राष्ट्रीय परिषदेत प्रसाद वाघमारे यांचा संशोधनपर प्रबंधपत्र सादर

तंजावर येथील राष्ट्रीय परिषदेत प्रसाद वाघमारे यांचा संशोधनपर प्रबंधपत्र सादर

by | जानेवारी 5, 2025 | Uncategorized, घडामोडी

5.01.2025

परभणी येथील गणित अभ्यासक व परभणी सोसायटी चे सहसचिव प्रसाद वाघमारे यांनी तंजावर(तामिळनाडू) येथील राष्ट्रीय परिषदेत प्राचीन गणित विषयावरील संशोधनपर प्रबंधपत्र सादर केले.


त्यांच्यावर येथील शास्त्र विद्यापीठामध्ये दिनांक 23, 24 व 25 डिसेंबर 2024 या कालावधीमध्ये चतुर्थ विश्व वेद विज्ञान संमेलन आयोजित करण्यात आले होते. या परिषदेचे उद्घाटन डॉ राज राजन ,डायरेक्टर इस्रो यांच्या हस्ते झाले. या ठिकाणी एकूण 18 वेगवेगळ्या विषयातील अभ्यासकांनी त्यांचे संशोधन सादर केले व सखोल अशी चर्चा या विषयांवर करण्यात आली.

त्यात प्राचीन गणित विषयात प्रसाद वाघमारे यांनी महान गणितज्ञ श्री भास्कराचार्य यांच्या लीलावती या पुस्तकावरील ‘Bhaskaracharya’s Lilavati: A Pillar of Ancient Indian Mathematics’ या विषयावर आपला प्रबंधपत्र व पोस्टरचे सादरीकरण केले. त्यात भास्कराचार्यांनी लिहिलेल्या श्लोकांमधील गणित हे सध्याच्या अभ्यासक्रमात कसे पूरक आहे याबद्दल प्रबंधपत्रात सादरीकरण करण्यात आले.

याप्रसंगी ‘भारतीय विज्ञानाची उज्वल परंपरा’ या पुस्तकाचे प्रसिद्ध लेखक व ज्येष्ठ विज्ञान अभ्यासक श्री सुरेशजी सोनी, व्यवस्थापकीय संचालक श्री शिवकुमार शर्मा, भारतीय ज्ञानपद्धती तथा इंडियन नॉलेज सिस्टीम (IKS) चे राष्ट्रीय समन्वयक प्रा गंटी एस एन मूर्ती आदी अनेक मान्यवर उपस्थित होते.

या सादरीकरणास मान्यता मिळून हा संशोधन पर पेपर यूजीसी अंतर्गत संशोधन पुस्तिकेत छापून येणार आहे. या यशाबद्दल प्रसाद वाघमारे यांचे आंतरराष्ट्रीय विज्ञान संकुल परभणी, परभणी ऍस्ट्रॉनॉमिकल सोसायटी, परभणीचे सदस्य, प्राध्यापक, शिक्षक, मित्र व विद्यार्थी आदींनी अभिनंदन केले.

रतन नवल टाटा

रतन नवल टाटा

by | ऑक्टोबर 12, 2024 | घडामोडी

जोडोनीया धन उत्तम व्यवहारे |
उदास विचारे वेच करी ||१||
उत्तमची गती तो एक पावेल |
उत्तम भोगील जीव खाणी ||२||
शांतीरूपे नोव्हे कोणाचा वाईट |
वाढवी महत्त्व वडीलांचे ||३||
तुका म्हणे हें चि आश्रमाचे फळ |
परमपद बळ वैराग्याचे ||४||

जगद्गुरु संत तुकाराम महाराज यांनी व्यक्त केल्या प्रमाणे आयुष्य जगलेला आधुनिक काळातील एक महान देशभक्त.

जन्म २८ डिसेंबर १९३७
निधन- ९ ऑक्टोंबर २०२४

रतन टाटा हे नवल टाटा यांचे पुत्र होते, ज्यांना जमशेदजी टाटा यांचे पुत्र रतनजी टाटा यांनी दत्तक घेतले होते, ते टाटा समूहाचे संस्थापक होते.

त्यांनी कॉर्नेल युनिव्हर्सिटी कॉलेज ऑफ आर्किटेक्चर मधून आर्किटेक्चर मध्ये बॅचलर पदवी प्राप्त केली ते १९६१ मध्ये टाटा मध्ये रुजू झाले, जिथे त्यांनी टाटा स्टीलच्या दुकानात काम केले. नंतर ते जे.आर.डी. टाटा यांच्या निवृत्तीनंतर टाटा सन्सचे अध्यक्ष म्हणून १९९१ मध्ये उत्तराधिकारी बनले.

१९९६ मध्ये, त्यांनी टाटा टेलि सर्व्हिसेस ही समूहाची दूरसंचार कंपनी सुरू केली आणि २००४ मध्ये त्यांनी समूहाची आयटी शाखा असलेल्या टाटा कन्सल्टन्सी सर्व्हिसेस चा IPO सुरू केला. २०१२ मध्ये पायउतार झाल्यानंतरही, त्यांनी टाटा सन्स, टाटा मोटर्स, टाटा स्टील आणि टाटा केमिकल्स सह अनेक टाटा कंपन्यांचे मानद अध्यक्षपद भूषवले. त्यांच्या कार्यकाळात टाटा समूहाने टेटली, जग्वार लँड रोव्हर आणि कोरस यांचे अधिग्रहण केले, ज्यामुळे टाटा मोठ्या प्रमाणावर भारत-केंद्रित समूहातून जागतिक व्यवसायात बदलला.

रतन टाटा हे जगातील सर्वात मोठ्या परोपकारी लोकांपैकी एक होते, त्यांनी त्यांच्या मिळकती तील सुमारे ६०-६५% धर्मादाय संस्थांना दान केले होते.

टाटा देखील एक विपुल गुंतवणूकदार होते आणि त्यांनी अनेक स्टार्ट अप्स मध्ये असंख्य गुंतवणूक केली आहे. टाटा यांनी आजपर्यंत ३० हून अधिक स्टार्ट-अप्समध्ये गुंतवणूक केली आहे, बहुतेक वैयक्तिक क्षमतेने आणि काही त्यांच्या गुंतवणूक कंपनीद्वारे भारतातील सर्वात मोठ्या व्यावसायिक समूहां पैकी एक असलेल्या टाटा समूहाचे अध्यक्ष एमेरिटस रतन टाटा यांचे दीर्घ आजाराने वयाच्या ८६ व्या वर्षी निधन झाले.

संकलन – डॉ बाहुबली लिंबाळकर

संदर्भ – इंटरनेट

आंतरराष्ट्रिय विज्ञान संकुलात वृक्ष दिंडी चे उत्साहात आयोजन

आंतरराष्ट्रिय विज्ञान संकुलात वृक्ष दिंडी चे उत्साहात आयोजन

by | जुलै 17, 2024 | Uncategorized, घडामोडी

दिनांक 17.07.2024

आज देवशयनी आषाढी एकादशी निमित्त आंतरराष्ट्रीय विज्ञान संकुल, वसंतराव नाईक मराठवाडा कृषी विद्यापीठ, परिसर येथे वृक्षदिंडी चे परभणी अस्त्रोनॉमिकल सोसायटी व वृक्षवल्ली फाउंडेशन यांच्या संयुक्त विद्यमाने आयोजन केले होते.
वृक्षदिंडी ची सुरुवात , विज्ञान चौक – राजगोपालचारी उद्यान पासून होऊन त्याचा शेवट आंतरराष्ट्रीय विज्ञान संकुल वसंतराव नाईक कृषी विद्यापीठ परिसर येथे झाला.


वृक्षदिंडीमध्ये साधारणपणे 500 पेक्षाही अधिक विद्यार्थी , तसेच पालक आणि शिक्षक संमीलित झाले, यादरम्यान बालगोपाल वारकऱ्यांनी पावली खेळत तसेच पथनाट्य सादरीकरण करत, अभंग गात वृक्षदिंडी मध्ये वृक्ष लागवडीचे महत्त्व सांगितले.
कार्यक्रमाच्या सुरुवातीलाच विद्यापीठाचे माननीय कुलगुरू डॉक्टर प्राध्यापक इंद्रमणी , तसेच जिल्ह्याचे अप्पर पोलीस निरीक्षक श्री यशवंत जी काळे यांच्या हस्ते वृक्षारोपण झाले.

कार्यक्रमाच्या प्रास्ताविकाच्या प्रसंगी बोलताना डॉक्टर पी. आर. पाटील यांनी आंतरराष्ट्रीय विज्ञान संकुलाच्या निर्मितीबाबत माहिती दिली, तद्वतच वृक्षवल्ली फाउंडेशनचे डॉक्टर देवानंद ओमनवार यांनी ” एक पेड मां के नाम ” असा नारा देत वृक्ष लागवडीचे महत्त्व विशद केले , तसेच अप्पर पोलीस निरीक्षक यशवंत काळे यांनी वातावरणातील बदलासाठी वृक्षाची लागवड करणे गरजेचे आहे यावर प्रकाश टाकला. कृषी विद्यापीठाचे कुलगुरू डॉक्टर प्राध्यापक इंद्रमणी यांनी अध्यक्षीय भाषणामध्ये वृक्ष संगोपन याबद्दल विद्यापीठांमध्ये होत असलेल्या विविध उपक्रमाबद्दल माहिती दिली.
वृक्षदिंडी साठी शहरातील नामवंत शाळा उपस्थित होत्या त्यामध्ये ऍकमे इंग्लिश स्कूल , ज्योतिर्गमय स्कूल , सारंग स्वामी विद्यालय, संस्कृती विद्यालय, बळीराजा विद्यालय, या अग्र स्थानी होत्या.

वृक्षदिंडीमध्ये शहरातील नामवंत व्यक्ती उपस्थित होते त्यामध्ये पोलिस उप अधीक्षक श्री दिगंबर डंबाळे, डॉ नेहरकर, डॉ कातनेश्र्वरकर, डॉ कलकोटे, डॉ. केदार खटिंग, डॉ आनंद अनेराव, डॉ आनंद लाड, डॉ सौ मानवतकर, श्री अनुप शुक्ल, डॉ. भोसले , डॉ. राजेश मंत्री , डॉ. बंगाळे, श्री आशिष निलावार , श्री प्रशांत कायांदे, श्री पवन देशमुख, श्री कल्याण देशमुख.

तसेच सौ अंजली बाबर, सौ प्रिया ठाकुर, सौ. सूर्यवंशी, श्री. अक्षय देसरडा, श्री नारायण निलंगे, श्री ज्ञानेश्वर जोगदंड, श्री. पेडगावकर, सौ कमल पाटिल, सौ डॉ निरस, डॉ निखिल केंद्रेकर, सौ घोडे, सौ पोटेकर, श्री कृष्णा झरकर, श्री नितिन फुटाणे,श्री नागेश वाईकर, श्री. सुभाष जाधव, श्री कल्याण भारोसे, श्री प्रसन्न भावसार, श्री बंडेवार श्री लिंगायत , श्री मजीद भाई.

कार्यक्रमाच्या यशस्वीतेसाठी परभणी अस्ट्रॉनोमिकल सोसायटी च्या सर्व सदस्यांनी परिश्रम घेतले.