मागील दहावर्षापासून विज्ञानवारीच्या रूपाने विज्ञानाची आस, विज्ञानाचा विकास विद्यार्थ्यांच्या नसानसांत भिनविण्याचे कार्य परभणी ॲस्ट्रॉनॉमिकल सोसायटी करत आहे. मागील दहा वर्षापासून आयुका, पुणे येथे परभणी जिल्ह्यातील व मागीलवर्षीपासून हिंगोली व नांदेड जिल्ह्यातील विद्यार्थ्यांना आयुकाची वारी घडविण्याचे कार्य सोसायटी करत आहे.

भारतातील विविध प्रकारच्या शैक्षणिक, विज्ञान, भौगोलिक दृष्टीने महत्त्वाच्या ठिकाणी तसेच काही खगोलीय घटना पाहण्यासाठी दरवर्षी ॲस्ट्रॉनॉमिकल सोसायटी खगोलवारीचे आयोजन करते.

यामध्ये विविध प्रकारचे ग्रहणे विविध प्रकारच्या खगोलीय ठिकाणावर जाऊन त्या ठिकाणचा अभ्यास करते. 

जिल्ह्यातील विद्यार्थी शिक्षक यांच्यासाठी दरवर्षी खगोलीय विषयासंदर्भात विविध प्रकारच्या कार्यशाळा घेतल्या जातात. या कार्यशाळांमध्ये आकाश निरीक्षण कसे करावे?, टेलीस्कोप कशाप्रकारे वापरावा तसेच यामध्ये विविध प्रकारच्या व्यवसाय संधी कोणकोणत्या आहेत या संदर्भातील मार्गदर्शन केले जाते.