मागील दहावर्षापासून विज्ञानवारीच्या रूपाने विज्ञानाची आस, विज्ञानाचा विकास विद्यार्थ्यांच्या नसानसांत भिनविण्याचे कार्य परभणी ॲस्ट्रॉनॉमिकल सोसायटी करत आहे. मागील दहा वर्षापासून आयुका, पुणे येथे परभणी जिल्ह्यातील व मागीलवर्षीपासून हिंगोली व नांदेड जिल्ह्यातील विद्यार्थ्यांना आयुकाची वारी घडविण्याचे कार्य सोसायटी करत आहे.

भारतातील विविध प्रकारच्या शैक्षणिक, विज्ञान, भौगोलिक दृष्टीने महत्त्वाच्या ठिकाणी तसेच काही खगोलीय घटना पाहण्यासाठी दरवर्षी ॲस्ट्रॉनॉमिकल सोसायटी खगोलवारीचे आयोजन करते.

यामध्ये विविध प्रकारचे ग्रहणे विविध प्रकारच्या खगोलीय ठिकाणावर जाऊन त्या ठिकाणचा अभ्यास करते. 

दरवर्षी जिल्ह्यातील विद्यार्थ्यांसाठी विविध प्रकारच्या व्याख्यानांचे आयोजन केले जाते. महाराष्ट्रातील तसेच भारतातील विविध शास्त्रज्ञ, प्राध्यापक यांना आमंत्रित करण्यात येते. कोरोना काळामध्ये ऑनलाइन सिरीजचे पण विविध विषयावर आयोजन करण्यात आले होते. या सिरीजचा संपूर्ण महाराष्ट्रातील व भारतातील विद्यार्थ्यांनी यावर्षी उपयोग घेतला